Pilna sinna
Saizang khua ah 1942/43 kum akipan Zolai tan nih ciang leh Tedim ah Zolai tan 4 dong kah hi. 1947/48 kum in St. John Diocesan Boy’s High School, Yangon ah kumkhat kah in, Tedim High School-ah tan 5 pan 1953/54 Matriculation ong dong kah hi. Tedim State High School pan ‘second division’ tawh HP & Matriculation a ong masapawl hi a, Tedim saang pan Matriculaton ongte lak-ah Army Officer asuak masapena zong hi lai hi.
Nasepna
Public Relation Zum, Chin Sepcial Divison, Falam-ah Sub. Editor in Dec 1954 pan Feb 1955 dong seem hi. Tua pan in Burma Army Officers’ Testing Team, Slimline (Rangoon) ah luut in, March 1955 pan Feb 1956 dong Burma Army Officers’ Training School (OTS) kah hi. Feb 18, 1956 ni-in OTS (14) man a, second Lieutenant(Commission) ngah pah in July 1956 dong OTS mah-ah Regimental Signal Office Course sinto lai hi.
1956-71 dong second Lieutenant pan Captain za tawh platoon Commander, Adjutant commpany commander ciang seem hi. 1971-76 dong Major/2 IC za tawh 30th Burma Regiment leh 35th Burma Regiment-te ah seem hi. 1976 kum ciang Lt. Colonel za ngah in 1982 kum dong akiphuanthak 78th Burma Regiment leh 34th Burma Regiment-te ah Battalion Commanding Officer in Aungban leh Kyaukphyu ah seem hi.
Tua pan in North East Command, Lashio-ah 1985 kum dong Staff Officer Grade I Adjudant (ASO I) seem hi. Ministry of Defence, Adjutant General Office-ah Assistant Adjutant General (AAG) in 1992 dong seem hi. Tua pan in Monywa District-ah Chairman, District Law and Order Restoration Council in seem in May 1995 kum in galkap sungpan gawlzawhna tampi tawh kumcin’ pension la hi.
Gualzawhna
Galkap asep sungin galsim kuannate (operation)ah galte tawh kikapna 62 vei nei a, agalsimna mun 2 a, galsimziate pen Command Training Center-te ah galsimzia hilhna(Battle Studies) in kinei hi. Galkap nasep sungin miphatna(medals) 14 ngah in, aseem ngam, aseem zo khat leh mi thuman khat in kimu ahih manin tuni dong alawm agual lak-ah maitaang lai mahmah hi.
Tua bek tham lo in, galkapte pension lak ciang hong zekaisak thei thu leh la tampi(rules and regulations) zong Assistant Adjutant General asep sungin Defense Services Council Orders (DSCO) leh Council Instructions (DSCL) te akisam bangin laihna, behlapna leh puahphatna te hong vaihawm ahih manin galkap pension vaite ah hun tomno sungin kithoh thei pah hi.
1983 kum in Lashio ah kituiphum a, 2003 kum in kum 20 cinna (China ware) Jubilee la hi.
Tu in 29/176, Nwethargi Street, Shwepyithar-ah kiphualsa in teeng hi.
Source: Saizang Tuiphum Pawlpi, Diamond Jubilee (2003)