Pilna sinna
1945 kum a kipan Tedim-ah sangkah in, 1953-54 kum in Tedim State High School pan tan 10 (Matriculation) ‘second division’ tawh zo a, English Distriction ngah hi. Laipil mahmah a, sangkahna ah akhatna ngah tawntung hi. 1959 kum in Rangoon University pan B.Sc ngah hi.
Nasepna
December 1959 in direct commission tawh Burma Army Officers’ Training School (OTS) lut hi. Ahunhun in za khang toto a, CO asepna No 10, Burma Army Signals Regiment pan 1998 kum in pension la hi.
Innkuan thu
Pathein khuami Daw Khin Hnin Aye tawh kiteeng in, tanu nih leh tapa khat nei hi.Atate zong apa uh sun in laipil thei mahmah hi.
Daw Kai Go Ciin B.A, M.A (English)
Dr. Khup Lam Mang (MBBS)
Dr. Go Deih Hau (MBBS)
Lt. Col Lian Khan Thang in July 5, 2001 ni-in hong nusia hi.
Source: Saizang Tuiphum Pawlpi, Daimond Jubilee (2003)