Saizang khua Hausa Pu Gen Pum leh Pi Ngaih Ngul te sung pan piang unau pasal (6) leh numei (1) lak pan anihna hi. 1922 kum in Saizang khua-ah suak hi. 1940 kum in Pyin Oo Lwin(Maymyo) pan Matric A list tawh zo hi. 1946 kum in Pi Niang Za Ciin tawh kiteeng a, tapa (6) leh tanu (3) nei uh hi.
Tedim vuandok zum-ah Apprentice Clerk, Myitkyina leh Bhamo ah Superintendent of Post Office, Postal Operative te seem hi. Leitung galpi nihna sungin Forthwhite, Rih, Champhai te ah Wirless Operator seem hi. Galven ciangin Tedim ah war demage clerk, Zo Education Board ah sangsia leh Board Committee, Election Officer te seem kawikawi hi. August 17, 1951 ni-in Deputy Inspector of School (DIS) za tawh Tedim zumthak hong hi. Falam, Mindat leh Tonzang khua te ah seem kawikawi hi. 1959 – 61 sung Tonzang ah Middle Head seem hi.
1978-81 sung Chairman in Tedim Township People’s Council ah, 1985-88 sung member in Chin State People’s Council member part-time seem hi. 1982 kum in Government Sevice pan Superranution pension la hi. Public Service pension leh Political pension sang khawm hi.
Minphatna
1. Tamuha Award (1955)
2. Law and Order Restoration Medal (1983)
3. Public Service Medal (1994)
4. Thau lawngkhat (S.B.B.L)
Akhan sungin Zomite lunggulh bel ahi thau lawng nih le thautom (Revolver)khat lam hi. Sa ben uk in saminthang lak pan Saza leh Khankha Mangte man hi.
1946 kum in Tuiphum tangsuah in 1947 ciang innphiat uh hi. March 7, 1947 ni-in Rev Cin Khua Gin in tuiphum hi. Kumpi nasep tawh atuntun na khuate ah Pawlpi te tawh nopkisa in na seemkhawm thei uh hi.
Chairman, Saizang Tuiphum Pawlpi; Chairman, Tedim Surburb Baptist Church(1983), Chairman; CMBC (1990-91),Treasurer; Baptist Theological School, Tedim-te ah ahih theih bangin mapang hi.
Laisingtho sang-ah kum nih sung thaman lalo in English hilh hi. T.B.A ah GC leh EC sung akihel lai in hunbit siate kumcin ciang pension ngah theih nang hanciam in tangtunpih hi.
1999 kum a 51 veina TBA kumcin kikhoppi leh Cope Diamond Jubilee ah Pasian tung lungdam kohna Golden Jubilee Pawipi khaam hi. Tuin Myoma veeng, Tedim ah atu ata tawh cidam lungnuam takin teeng hi.
Saizang khua Pu Son Zam le Pi Awi Lian te nupa sung pan a piang tapasal (5) lak-ah alina ahi hi. Nu Niang Za En tawh Catholic ngeina bangin kiteeng uh a, tapasal (3) le numei (7) nei uh hi.
Leitung galpi nihna Japan gal khit 1946 kum in Saizang khua Zolai sang-ah sangkah kipan hi. 1948 km in tan (4) zo hi. 1949 kum in Tedim manglai sangpi ah kahzom a, 1955-56 kum in tan (10) zo hi. 1956-57 kum in Rangoon University ah sang zom a, March 1962 in B.A zo hi.
March 16, 1962 ni a kipan General Administration Department ah A.T.O in lut a, kha (5) sung training kah khit ciang Tedim ah seem hi. Tua pan Lailenpi, Lumbang, Falam, Tedim khuate ah piang kawikawi hi. Falam a om sungin Kawlgam leh India gam gamgi suang BP. No. 29 (1) pan BP. No.38 (3) kikal, gamgi suang (23) te kumpi tunga ki-apna kibawl a, aman Kawlgam kumpi tangin letmat thuh hi. Anih veina Tedim ah a om sungin Township Workers’ Association ah Joint Secretary in kiteel a, ama nasep tawh thuah khawm hi.
December 1981 kum in vuandok za ngah a Chin State Council zum-ah Assistant Head of Office asep khit ciang, Tedim, Matupi, Nanyun, Ayadaw, Minkin, Tedim leh Pauk khua-te ah piang kawikawi hi. Tedim leh Pauk khua-ah asep sungin Township Law and Order Restoration Council Chairman tawh thuah khawm hi.
January 1994 pan December 1995 dong Bawlkhe District, Kayah State ah Assistant Director in om a, District Law and Restoration Council member tawh seem khawm hi. January 1996 in Deputy Director za ngah a Falam Dictrict ah piang hi. Falam District, Deputy Commissioner (DC) seem a, Falam District Law and Order Restoration Council member tawh thuah hi.
July 1998 in pension la hi. Kump nasep kum 36 asep sungin anuai-a minphatna medal-te leh dangka letsong ngah hi.
1. Law and Order Restoration Medal
2. Public Service Medal
3. Peace and Tranquility Medal
4. Public Good Service Medal + Kyats 3000
Tu in No Ma/34, Myoma, Tedim ah teeng hi.
Pu Neng Khen Thang leh Pi Niang Za Ciin-te sung pan piang unau pasal (6) le numei (3) te lak pan alina hi. Feb 2, 1955 ni-in Tedim ah suak hi. 1978 kum in Nu Kai Khan Niang tawh kiteng in tapa (4) le tanu khat nei uh hi.
1973 kum in No (9) S.H.S Mandalay pan Physics distinction tawh tan 10 zo hi. 1977 kum in Arts and Science University, Mandalay pan B.Sc (Physics) ngah hi.
1979 pan 1981 sung Lower Burma Paddy Land Develpment Project II ah Asst. Supervisor seem hi. 1981 kum in Council of State zum-ah Administrative Officer Grade I tawh nasep kipan hi. Township People’s Council zum Mindat, Tonzang, Pantanaw-te ah sem kawikawi hi. 1991-92 kum in Tedim ah Secretary of Township Law and Order Restoration Council seem hi. 1995 kum in Township Officer hong ngah a, Township Restoration Council, Chairman za tawh Myebon, Hopong, Bahan, Dagon Myothi (North) te ah seem hi. Hopang ah Treasury Officer tawh thuah hi. Kunlong District leh Yangon Division Peace and Development Council Head Office ah Staff Officer in 1997 pan 2000 kum dong seem hi. Joint-Secretary, Yangon Division Multi-party Democracy General Election Committee tavuan kipia hi. Yangon khualai Bahan Township General Administration zum-inn ding Ministary of Home Affairs, Minister-pa tawh January 6, 2001 ni-in foundation ciang khawm uh hi.
1985 kum in tui kiphum hi. Tedim Baptist Church-Yangon-ah Deacon member, Secretary (2001) leh Tedim Christian College ah Board of Trustees in kihel hi.
2002 kum Inter-State and Division Golf Tournament ah Chin State, Team Captain seem hi.
Pu Vung Lian Nang leh Pi Ot Za Cing te tapa nihna hi. Oct 4, 1952 ni-in Saizang khua-ah suak hi. Nu Thuam Zam Cing tawh May 19, 1972 ni-in kiteeng a, tanu thu leh tapa thum nei uh hi.
S.P.S Saizang, S.H.S Tedim leh No. 1 S.H.S, Phyin O Lwin-te ah sangkah hi. Nasep kawm in laivuan kawm a, B.A (Histor) ngah hi.
December 25, 1965 ni-in Saizang khua RCM pawlpi sungah tui sawpna ngah hi. Saizang Catholic Pawlpi khangno makai seem kawm in, Saizang khua khangno kipawlna library member ah kihel hi. Biakna la lam uk in, tonic solfa thei a, RC khangnote bek tham lo in Tuiphum leh E.B.C khangnote zong solfa hilh hi. Apa pen Baptist Pawlpi sungah Tuiphumna angahsa ahih manin Tuiphum it mahmah hi.
Saizang RC khangno makai asep laitak Fr. Timothy Pum Khan Nang in pakta in Pyin O Lwin (Maymyo) Seminary, Phonggyi sinna sang ah 1968 kum in paisak hi. Pasian deihna tawh leitung nasepna lam ah kihei kik a, July 7, 1973 kum in Peoples’ Council zum ah lai-atneu seem hi. Sia Thawng Sawm Pau, Sia Ngul Kho Pau leh Sia Neng Thawn Kham te lam lahna tawh myo-uk phi a, za khang in Kanpetlet, Tedim, Haka, Thanglang leh Falam khua teng ah seem kawikawi hi. Thangtlang a om laitak in Secretary of Township Law and Order Restoration Council seem hi.
Falam pan Vundok za in khang to a, Meitthila ah piang hi. Tua pan Karen State sung Hlaibwe, Magwe Division sung Gangaw leh Thayet te ah Township Peace and Develpment Council, Chairman seem hi. Hanciamna leh thuakzawhn nei mahmah hi.
Minphatna1. Public Service Medal
2. Law and Order Restoration Medal
3. Peace and Tranquility Medal
4. Public Good Service Medal
Pu Neng Khan Thang leh Pi Niang Za Ciin te sung pan piang unau pasal (6) leh numei (3) lak pan athumna hi. January 22, 1953 ni-in Saizang khua-ah suak hi. 1963 kum in tan IV scholarship ngah hi. 1963 kum in S.H.S Tedim pan tan 10 zo hi. 1973 kum in Arts and Sciences University, Mandalay pan B.Sc (Physics) ngah hi. 1977 kum in Government Technical Institute, Kalaw pan A.G.T.I (Civil) diploma ngah hi.
1978 pan 1983 sung Technical Service Corporation ah S.A.E seem hi. 1983 kum in Electrical Power Coporation ah S.A.E in lut hi. Hydro Power Plant Project, Putao, Mogoke, Ngasitvar(Falam), Matupi, Laiva(Haka), Zayehaung(Kale) te ah seem kawikawi hi. 1977 kum in Assistant Enginner in za khang a, Donbang Hydel Power Project, Kachin State ah piang hi.
Shwele Hydel Power Plant Project, NamKham Township ah Project Officer asep laitak 2005 kum in hong nusia hi.
Min phatna
1. Law and Order Restoration Medal
2. Peace and Tranquiliy Medal
3. Public Service Medal