Pu Vial Khua Suan leh Pi Awn Dim-te sung pan July 1, 1942 ni-in piang hi. Sanggam laizom pasal thum leh numei khat lak-ah anautumpen hi. 1971 kum in Tuimui khua a teng Bo Khual Khan Tual (S.I.P Rtd) leh Pi Nem Khaw Ning-te tanu nihna Nu Don Za Ngai tawh Pasian sungah pumkhat suahna sangin tapasal nga leh tanumei thum nei uh hi. 1960 kum in pupa ngeina nusia in Roman Catholic Pawlpi ah ki ap hi.
Sangkahna
S.P.S, Saizang at Tan (1) pan Tan (4) 1951 pan 1955 dong kah kah hi. S.H.S Tedim-ah Tan (5) pan Tan (10) 1955-1960 dong kah hi. Tan khat pan Tan (9) dong laivuanna khempeuh-ah akhatna ngah hi. 1955 kum Tan (4) asim lai leh 1958 kum Tan (7) asimlai in Scholarship ngah ahih manin Tan (5) pan Tan (8) dong khakhat Ks. 20 ta saang hi. 1960 kum Tan (10) laivuan ciang in zong Fulbright Foundation (USA) pan Mr. Herbert Wehly in tua kum a Tan (10) zo teng hawm dingin Ks. 900 pia a, 1960 kum in amah bek Tan (10) zo om ahih manin Ks. 900 zong amah bekin ngah gai hi. 1960 – 61 in Mandalay University ah kah hi. Hamsatna tuamtuam tawh sangman dong kah zolo ahih manin kumpi nasep lut hi.
Nasepna
1961 pan 1967 sung P.A.T za tawh S.P.S Tungzang, S.M.S Kaptel ah seem hi. 1965-67 sung Teachers’ Training College, Mandalay-ah kah a, J.A.T ngah hi. J.A.T za tawh Tuimui, Ciingpikot, Hnaring, S.H.S Thuklai leh Tedim te ah 1967 pan 1980 dong seem kawikawi hi. Nasep kawm in sangkah zom a, 1979 kum in B.A(External) zo in, 1982 kum ciangin Dip.Ed ngah thuah lai hi.
1983 kum ciangin Headmaster B.E.M.S hong ngah a, Samni(Paletwa), Thlangkhua(Thantlang), Vangteh, Laibung te ah seem kawikawi hi. Tuan pan 1996 kum in High School Headmaster hong suak to leleu a, Heilei leh Cikha khuate ah 1999 dong seem hi. Hih Tan (10) sangte-ah Siapi asem masapen khat ahihi. Cikha pan in zakhangto leuleu a, Towship Education Officer zat tawh Shangam, Mongshu-ah 2002 dong seem hi.
Gam leh minan ading nasepnate
1971-81 sung Township People’s Council memter(Part-time) asepsung in Ngalzang vanlengtual puah nading leh Saizang B.E.M.S ngah theih nadingte ah khua hausate tawh kopin vaihawm khawm hi. Vangteh khua B.E.M.S sangpi hong tun theih nang leh Heilei khua Tan (10) sanginn leh Science Labortory Room lamna-te ahizong, Cikha khua Tan (10) sangpi ading akisam thu leh vai khempeuh-te ahizong deihsaknatak tawh semkhia in gualzawhpih hi. Township Education Officer(TEO) za tawh Mongshu a om sungin zong Paneing, Pangchuai, Chyluai leh No.(1) B.E.P.S Mongshu-te Primary sangcing suaksak hi.
July 12, 2008 ni-in Kalaymyo-ah a it azil, ata leh atute nusia in Topa anglum sung hong ciahsan hi.
Saizang khuapi a teeng Pu Thuam Za Cin (Tawmging) leh Nu Cinh Cing-te sungpan in August 20, 1944 ni-in piang hi. 1981 kum in Sianu Gin Za Dim (J.A.T) tawh kiteng a, 1999 kum in tapa khat nei uh hi.
Sangkahna
1950 kum in S.P.S Saizang-ah lisin kipan a, 1956 kum in Tan (4) zo hi. 1964 kum in S.H.S Tedim ah High School Final man hi. 1966 kum in S.H.S Danubyu pan in Tan (10) zo hi. 1966 – 68 sung Mandalay STCT-ah JAT man hi. 1978 kum in Yangon University pan B.A (External) ngah hi. Yangon Institue of Education pan in zong Dip. Ed tawh man hi.
Nasepna
Nov 1, 1968 ni-in kumpi nasep kipan hi. S.H.S Tonzang, S.H.S Mindat, S.M.S Lawibual –te ah 1980 ciang dong J.A.T seem hi. 1990 ciangin Middle-headmaster za tawh S.M.S Dollaung leh 1990 pan 1997 sung S.M.S Saizang-ah seem hi. 1997 pan 2000 ciang dong S.H.S Hnaring, S.H.S(1) Tedim, S.H.S Kalay-ah High School Headmaster seem kawikawi hi. 2000 kum in Township Education Officer ngah a, Pinlebu (Sagaing Division) ah seem hi.
Kumpi sungah minsiatna omlo, thuman cihtakna tawh kum (30) val asep khit ciangin cidamtakin tawlnga(pension) la a, Saizang khuapi ah azi ata tawh nuamtakin om hi.