Pu Awn Za Pau B.E (Civil)
Saizang khuapi Liappi veeng ateng Pu Neng Vum (Gualnam) leh Pi Nok Za Ciin(Gualnam)te nupa sungpanin June 5, 1945 ni-in suak hi.
Laizom Suahpih Unau teng leh Azi/ Apasalte
(1) Pu Zel Za Lang, Major(d) | Pi Niing Za Thang(d) | TG |
(2) Pu Sing Pau | Aneulai in si | |
(3) Pi Cing Khaw Don(d) | Pu Tual Pau, Sgt(d) | TG |
(4) Pu Sing Khaw Zam(d) | Pi Hau Zen Cing(d) | GZS |
Pi Ning Za Khawl | GKK | |
(5) Pi Ciin Za Lian(d) | Japan gallai zavatin si | |
(6) Pu Pum Khaw Kam(d) | Japan gallai zavatin si | |
(7) Pu Awn Za Pau | Pi Ciang Khan Zen | TG |
(8) Pi Man Za Ning | Pu Lian Za Tung(d) | G |
G = Gualnam: TG = Tawmgin: GKK = Gualnam Kikkai:
GZS = Gualnam Zuisang
GZS = Gualnam Zuisang
(1) Pa Vum Lam Kam | Vocalist | Nu Awi Huai Lun (Dr, MBBS) |
(2) Tg Pau Khan Kap | BA (Philo.), B.Th, M.Div, Lecturer, TCC, Yangon | |
(3) Tg Langh Khan Sing | B.Sc(Chem.) | |
(4) Nu Ciin San Cing | B.B.A, BARS, MBA student,SG | Pa Ye Lin Han |
(5) Tg Zam Cin Mang | Matric | |
(6) Lia Vung Sen Lun | B.C(Tech), BARS, BS (Bio Science), OKlahoma University | |
(7) Lia Don Hau Niang | Matric |
Tulaitak in atapa upen Pa Vum Lam Kam le Nu Awi Huai Lun-te sungpan piang atupa taktak ahi, Tg Pau Mun Van nei uhhi.
1. | Zolai tan 4 State Primary School, Saizang khuapi panin 1954 kum in zo hi. |
2. | Manglai tan 7 Army Children's Middle School, Nandwin/Nanmyo Mandalay panin 1959 kum in zo hi. |
3. | A tan giat kahlai (1959-60) kum in United States kumpite vaihawmna pan kiseh a Zogam ah hong pai American Fulbright Teacher: Herbert Wehrly in Falam, Tiddim, Thuklai aa om SHS Sangpite tawh akigawm khawm in, i Zo ngeina le Zo tangthu atuamtuam Manglai in kidemsak a, a nihna ciang ngah hi. |
4. | High School Final (HSF) or SLC (School Leaving Certificate) 1961 kum in Tiddim State High School pan zo hi. |
5. | Kum 1962 akipan old system phiat in tan 9 pen High School Final dingin ciangtan nawn lo a, kumpite in tan 10 sang hon kipan hi. Zogam ah Falam bek ah tan 10 sang koih ahih manin, Army Children's High School, Meiktila panin 1962 kum in Matric Class kici, tan 10 (Tenth Standard) Arts subject tawh zo hi. |
6. | College a kah ciangin Pure Science la kik bungleh aa, ISc Part B (Intermediate of Science Part B) Taunggyi Intermediate College panin 1964 kum in zo hi. Tua kum mah in Rangoon Institute of Technology (RIT) kah theihna ding Taunggyi College pan mi 4 bek ngah a, tua lak ah kihel hi. |
7. | BE (Civil) 1968 kum November kha in zo a, Ciimnuai Zomite sungah RIT pan BE ngah masa penpen ahihi. |
8. | May 7, 1969 ni a kipan Assistant Engineer (AE) Lamvuandok zaa tawh maintenance (11) Public Works Corporation (PWC), Falam-ACE(Assistant Command Engineer) zum-ah sem pah hi. Public Works sungah AE kici Lambuandok leh a tungsiah za teng zong Ciimnuai tate sungpan angah masapen mah ahihi. |
9. | January 22, 1972 ni-in Saizang khuapi ah a it leh angahih mahmah azi, Pi Ciang Khan Zen (Pu Thuam Cin Pau le Pi Nok Lian Vung te tanu) tawh Zo ngeina in kiteng uhhi. |
10. | Kum 1969 pan kum 1986 ciangdong kum 18 sung Zogam Tiddim lo buang ah AE za om theihna Falam, Matupi, Mindat, Haka khuate ah sem kawikawi hi. Zogam ah a om sungin Mindat-Matupi lampi ah kum 5 sung, Haka-Matupi lampi kum 11 sung mah sem hi. Mindat-Matupi leh Haka-Matupi mawtaw lampi tung ah mawtaw car pai theih suak naii lohna pan in mawtawpi leh Jeep car pai theih dong sem khia hi. (1972-1986) |
11. | Gangaw-Haka mawtaw lampi (75 miles) zong atotna ding zawi (alignment, 2' trace cutting) zon akipan mawtawpi paitheih dong sem khia hi. (1977-1986) |
12. | Hakha kum 10 a om sungin Chin State Departmental Office Buildings, National Housing Board Quarters te, Auto-telephone Exchange Building innpi leh Cinemascope Building innpite ama lamsa vive ahihi. |
13. | Hakha khuapi pan Thantlang khuapi paina, Haka leh Timite lui kikal mawtaw lampi suk leh to(gradient) khamm mahmah mawtaw lamlui pen, apelh dingin Tonzang uksung Seitual khua pan hong nusiasa Lambu Pum Tht Pau, SAE leh Haka pan JE Tum Hre te vaiipuak pia in tulaitak aa akitawn mawtaw lampi, azawi zon a kipan mawtaw pai theih dong sem khia hi. |
14. | Hakha kum 10 a om sungin PWC te zattheih ding, sapman (House rent) kingah lo innte puah nading budget sungpan in zumpi(Head Office, Rangoon) a alente tawh kitheih neih in, CE(Chief Engineer) zum, TE(Township Engineer) zum leh Zintun Innpi, zum nasem leh mawtaw hawlte inn ding ama nget siamna ziak a, akingah sumte tawh lamhsak piikpeek hi. |
15. | Germanay pan ahong kipia huhna leh akisam lai teng self-help tawh kilam Haka khuapi aa YMCA innpi, Pu Tun Thawng, Chin State Co-operative Officer (Buanman) makaihna tawh akilamh lai in, thudotpi (Consultant) in gelpih seppih bawlpih hi. |
16. | Haka khuapi a om Taungzalat Golf Culb, Golf course (8 holes) akipat cil a kpan abupi aman siang dong, CE U Lal Bik(Falam) tawh kikopin Zogam a ding amasa penepn golf course bawlkhia hi. |
17. | Hakha khuapi ah nidang a zote lamka kici, tuuksial aa minn kicipna leh lei kitna, township leh state zumpi kikal-ah tennis court khat, akisam venteng sikh in akhing hithet in bawlsak hi. |
18. | Janpan ah 1983 kum in Building Engineering Course kha 3 vakah hi. JICA kici Janpan International Corporation Agency te' makaihna mah tawh Modern Bridge Engineering Course zong (1-5-82 to 31-3-83) kha 11 vilvel kah hi. |
19. | ADB (Asia Developed Bank) loan tawh kibawl pha kik Rangoon-Prome Road Improvement Project (MS 22/0 pan MS 178/0) 1986 pan 1991 kum kipat dong kum 5 sung sitset mah AE za tawh mapang hi. |
20. | AE nasep kum 22 val aphak ciangin 1991 kum kipat in EE(Executive Engineer) za khangto a, Head Office Roads & Bridges Planning ah kha 5 val sem hi. |
21. | Chin college Construction Project (Sang kihon ciangin Kalay college kici ziau) ah College sang kihon dong (1991-994) kumthum sung sem hi. Three storey building khat leh hostel te anbuk leh annekna kithuah hall khat lo buang, adang teng khempeuh ama lamh khitsa vive ahihi. |
22. | Public Works Head Office, Yangon (Design Section) ah kumkhat val sem in Shwedagon Pagoda nisuahna lam pan akeellei teng nidang a khuamte dolsing tawh kibawl ahihna pan RCC tawh lamding in design athak in bawlphat kiksak hi. |
23. | Kum 1995 beikuan ciangin Special Bridge Construction Unit (4) athak kiphuan a, a mah'n makai in Rakhine gam-ah kum Y2K dong a om sungin Kitspanady leiipi a kipan leii lianpi 4 leh taattung (Pagoda/Stupa) hoih mahmah 2 lam hi. |
24. | Kitsapanday leii bul ah VIP te tun nading zintun inn hoih mahmah khat zong lam hi. |
25. | Kyauktaw, Rakhine State ah "Kitspanady Golf Club" ii golf kimawl nading golf course 9 holes zong Tatmahmu Brigadier General Hla Myint tawh kikop in, mualbawk tampitak tozang in guamtampi tak vuknelh a, akipatcil a kipan aman siang sitset dong golf course hoih mahmah khat semkhia hi. |
26. | Kyuaktaw mualtung a taattung leh Buddha limte omna pai nading a omsa khe lampi panin mawtaw paitheih nading in lampithak zonsak in ziiksak a, tar road dongin bawlsak hi. |
27. | Kyauktaw pan tai 5 agamlatna a om, tangtuan pek a minthang mahmah Mahamohni Shrine kikoihna Tempel sungah nitumna lam pan kahtohna pi 10 asau, pi 6 azxai keellei (zaungtan) dawlkhat (one flight) zong atungkhuh a kipan aveksak in Special Bridge Constructon Unit (4) mintawh bawlsak hi. |
28. | Kum 1997 ciangin Deputy Superintending Engineer in zakhang hi. Akum kik 1998 ciangin Superintending Engineering tawh Zogam paisak ding acih ciangin leii lamhna mah ah sem nuam zaw ahih manin nial hi. |
29. | Kum 2000 pan a pension laak dong (4-10-2006) Ayeyarwaddy Division ah Project Director in leii lianpi 2 leh taattung hoih mahmah khat lam beh leuleu hi. Avekpi in leii lian 6 alamna lak-ah leii 5 te leiibul ah marbel tawh kibawl mualsuang tung-ah alampa' ama min kigelh in kisuang sinsen hi. Kum 2003 zawh ciangin alam adawhte min kiguang nawnlo hi. |
30. | Yangon-Pathein lampi tung-ah MS 23/0 Daka leii alam lai in Southern Command (Pathein) Commander; General Htay Oo in nasep maaliau tak a zawhna "Pahtawina" laipi pia hi. |
31. | Tai 14 agamla Pathein (Bassein) pan Tharpaung lampi tung a kidawh singleii leh siikleii luite (wooden bridges) panin permanent bridge kici RCC birdge vive in laihsak gai khin hi. Mawtaw lampi zong tai 14 sau aa bangmah kiphah lo a leitang guak ahi, leitanglampi (earth road) panin 9 inchese asah suanglampi (metal road) in bawlsak hi. |
32. | Kum 1991 kum Chin college Construction Project ah Project Director asep a kipan, a pension laak dong Pasian Thupha sang toto in, leii lianpi vive lamna (Bridge Construction Project) ah amakai dingin vaiipuak kipiasuak suak a, Kawlgambup Public Workds sungah project nasepna alian aneu tawh kizui in Project Director top 10 sungah kihel den hi. |
33. | Kimawlna lam tawh kisai in 1970 kum in Manager, Falam Township Football Team ah sem hi. Tua kum mah in Manager, Falam District Football Team ah sem gualzo hi. Mindat a om ciangin Mindat District Football Team Manager (1974) kum in sem leuleu a gualzo ta leuleu hi. |
34. | Kum 1970 December 29 pan 1971 New Year ni dong Falam khuapi a kibawl Chin Special Division bup Inter-Township Tennis Tournament ah Tiddim Township Tennis Team Manager sem in akhatna ngah pah hi. |
35. | Public Works pan a kumsial a kibawl kawlgambup State & Division Sports kidemna ah kum 5 vilvel Chin State Team Manager asep kawmin golf sat kidemna ah kihel den hi. |
36. | Ki-ukna lam-ah BSPP (Burma Socialist Programme Party) hunlai in Party Seihhmu (Party Cell Group Leader) dong Mindat ah sem ngei hi. Mindat leh Haka ah a omlai in Vice-Chairman, Township Workers Council ah sem ngei hi. Matupi khua ah aomlai (1972-73) in Matupi Township leh Chin State level thukhen makaipipa (Chairman) zong sem ngei hi. |
37. | Pasian la leh gam itna la tawh kisai in aphuak leh asak siam athuah TS.Khai makai aa akhum 'Sihna Kigo Zo Series' Album 7 na; "Zeisu in Topa hi" acih leh 'Sihna Kigo Zo Series' Album 8 na; "Na keel luphum" ban-ah, laphuah leh lasak zong asiam Zogam Lalpu maki a alakhum "Nung Hei Ken" cih albumte tawh kisai in, akism sum leh paai-te sikh sak in mapang hi. |
38. | Leiipi Market a piankhiat nading aa atha angal leh ahun manphat te apia ahi, amakai vaihawmpipa Pu Kam Kap leh upate in angetna bangin (60' X 200') azai ahuanglang (Tulaitak a Pu Ngual Za Khen Pau-te tenna dungsukteng, Leiipi Market huanglang tawh kikim) akhawnkhong tanghial in pia hi. |
39. | Biakna lam tawh kisai in RZBC (Rangoon Zomi Baptist church) ah 1990 kum akipan 1997 dong mah pawlpi upa sem hi. Tua zawh ciangin Tedim Baptist Church-Yangon ah akiphutcil (July 7, 1997) a kipan pawlpi upa sem paisuak hi. Anunung pen 2006 kum pan 2008 gamdang apai dong TBC-Y ah President sem hi. Tulaitak a akilamsan ahi Tedim Baptist Church-Yangon Biakinnpi lim zong ama design suaihsak mah ahihi. |
40. | Haka khuapi a om Carson leh Cope Topate kiphumna hanbuk (pavilion) 1984 kum aa, alamsakna vaii tawh kisai in kumpi van zang hi ci'n gambup makai uliante tung ah kikhia a, kumpi thukan(SB) te thudotna tampitak thuaklawh dikdek hi. |
41. | Saizang Baptist Church a lui lamkik loh aphatmawh tah pawlpi mite kiang pan ahi zongin, apualam pan huhna hong kipiate ahi zongin, tuate khempeuh tawphah in pawl sung-ah nitha lalo a, taangpi the leh ngal tawh hong kipite tawh kopkhawm in leh, akisam thuah lai sum leh paaite khempeuh abuangkuapipa Maj. Zel Za Langh tapa upen Pa Vum Suan Mung tawh kikop in Pasian Angvanna a Thupha-te lungdam kohna leh hong nusiasa nu leh pate tuak phawkna in (75' x 36') azai biakinn thak dawlnih, apata in kipawl in lamkhawm uh a, 2003 kum February 27 ni-in Saizang Baptist Church Diamond Jubilee Pawipi tawh kituak in kihong hi. |
42. | Kumpi nasep avekpi kigawm kum 38 sung semin asuah zawh kum 60 aphak khit hangin kumkhat leh alang val sem thuah hi. Khasum khan ciangin, kumpite in kumpi sum tambei lua ci-in akisam mahmah te cih loh buang, kum 60 a cingsate kitawpsak tekta ahih manin (4-10-2006) ni aa kipan pension la hi. |
43. | Asuah zawh kum 65 aphak khit hangin Pasian in Thupha pia thuah leuleu a, 2010 August 23 ni a kipan Tulsa, Oklahoma a om Bios Corporation ah DSP (Direct Support Professional) za tawh nasep kipan kik leuleu hi. |
44. | Tulaitak in anuai-a thu leh late Pasian deihna a om leh hunlem ciang a, laibu asuahkhiat pah lian dingin, akidingsa in koihkhin kiinghkengh hi. |
(a) Keima gelh Keima Tangthu Vol 1 (Words: 305,867) | |
(b)Ciimnuai Tate La namcin dawng 8,000 val (Words: 289,462) | |
(c)Paunak, Khanglui Pauciik leh La kammalte akhiatna (Words: 147,229) | |
(d)Pu Thang Tuan' gen Tangthu leh adang Tangthu: Thului hoihnono atuamtuam (Words: 99,396) | |
45. | Atanu sangkah ziakin omthihna phalna ngah ahih manin tulaitak in Tulsa, Oklahoma State, USA ah azi leh atate 5, amo leh atukhat tawh om leltak uhhi. |
2. Rule of Law & Order Medal (4-1-1999)
3. Peace & Tranquality Medal (4-1-1999)
4. Good Service Personal Award (2002-2003)
5. Execellent Performance in Administrative Field (4-1-2000)
1. Kitsapanadi | Steeltruss | 2532 Feet | Kyauktaw, Rakhne State |
2. Yoe Chaung | Bailey DS | 540 Feet | Kyauktaw, Rakhine State |
3. Kin Chaung | Bailey DS | 440 Feet | Ponnakyun, Rakhine State |
4. Pikauk | Bailey DS | 360 Feet | Kyauktaw, Rakhine State |
5. Daka | RCC | 1400 Feet | Daka, Ayeyarwaddy Division |
6. Ngawun (Myokwin) | Steeltruss & PC Girder | 2835 Feet | Myokwin, Ayeyarwaddy Division |
RCC = Reinforced Cement Concrete: PC = Pre-streesed Concrete: Steeltruss = Siikleeipi: DS = Double Single: